Beste irtenbide batzuk | A proiektua | Operadoreak Eraikitzea | Operadoreak Eraikitzea | Funtzionamendu-zikloa | B Proiektua | Muntaiaren faseak | Ohar argigarria | Zirkuitua

IRTENBIDE

ELEKTRIKOAK

BESTE IRTENBIDE BATZUK

Aurreko proposamenaren bigarren pasartean adierazi dugun gisan eta ikasleen ezagutza mailak planteatutako proposamenari emandako azken emaitza baldintzatuko duela kontuan izanik, unitatean proposatzen den I2 puntuari erantzuten dioten irtenbide elektroniko batzuk hartu ditugu barne.

Irtenbide elektrikoak dira, zirkuitu sinpleek eta hainbat eten-bitartekok (operadore etentzaileek) osatutakoak. Hori dela eta, DBHko lehen zikloko lehen mailako ezagutza-mailari dagokionean egokiak izango dira.

Garapenetan unitatean zedarritutako helburuak eta planteamendu orokorra hartuko ditugu aintzat (aurreko proposamenean bezalaxe), izan ere, gisa horretan (aurreko proposamenean egin genuenaren antzera) “bide-hezkuntzari” erreferentzia egiten dion zehar lerroarekin lotzeko eta horrekin batera garatzeko aukera izango dugu.

 

Proposamenean iluntasunean mugitzen den pertsona baten posizioa adieraztea ahalbidetuko duen aparaturen bat asmatzeko edo muntaiaren bat egiteko premia planteatzen da. (Premisa horrek, printzipioz, irtenbidea argiaren edo soinuaren inguruko erantzunetara orientatzen du).

Planteatutako premiari erantzun zioten bi proiektu aurkeztuko ditugu: horiek bereizteko A PROIEKTUA eta B PROIEKTUA izendatu ditugu.

A PROIEKTUA

Zirkuitu sinple bat tartekatuz, bonbila bat edo bonbila-multzo bat aktibatzen edo desaktibatzen duen tramankulu etentzailea dugu. Aktibatzeko nahikoa da berori soinean daraman pertsona ibiltzen edo korri egiten hastea. Bere posizioa bertan adieraziko da.

PRINTZIPIO FISIKOA

Jada adierazi dugun gisan, zangosagarrera lotuta, bonbila edo bonbila-multzoa aktibatzen edo desaktibatzen duen zirkuitua ixteko edo irekitzeko, ibiltzerakoan edo korri egiterakoan sortzen den higiduraz baliatzen den sistema etentzailea dugu.

MATERIALAK

1/ Diseinurako marrazketarako materialak.- 2/ Kablea (plastikozko forrua duena).- 3/ Latorri-zati batzuk.- 4/ Plastikozko ontzi bat (pelikula fotografikoa babesteko ontzitxoa).- 5/ Banda elastiko bat edo antzeko funtzioa duen beste materialen bat.- 6/ Altzairuzko puxtarri bat edo aluminio-paperaz forratutako beirazko puxtarri bat.- 7/ Bonbila bat edo batzuk.- 8/ Eztainua (kableen amaierak latorri-zatiekin soldatzeko eta beste lotura batzuk egiteko).- 9/ 4´5 v-ko pila bat. - 10/ Haria.

ERREMINTAK
Elektrizista-guraizeak / 25 edo 40 W-ko soldagailua / zizaila (latorria zatikatzeko) / puntzoia / orratza (banda elastikoa eta elementu etentzailea lotzeko)..

OPERAZIO TEKNOLOGIKOAK

Diseinua / Metrologia / Ebakitzeko, josteko, kolatzeko, soldatzeko operazioak (kontuz segurtasunarekin!) / Zirkuituko elementuen funtzionamendua egiaztatzea / Operadoreak muntatzea.

PROZESU TEKNOLOGIKOA

Aurreko proposamenetako pausuei jarrai gatzaizkieke. Alabaina, kasu honetan arreta berezia eskainiko diogu kableak elementu etentzailea osatzen duten latorri-zatiekin lotzeko soldatze-puntuei, eusteari eta, banda elastikoan operadore etentzaileak duen kokalekua dela eta, pilarako konexioak eta bonbilak finkatzeko sistema fidagarriak izateari.

OPERADOREAK ERAIKITZEA

Funtsezkoa da operadore etentzailea zuzen eraikitzea. Zati hau da garapenari dagokionean zaintza handiena behar duena. Nolanahi ere, horrekin batera hankan jartzerakoan ere arreta berezia jarri beharko dugu, bere zeregina behar bezala egiteko aukera izan dezan.

Bola horrek ireki edo itxiko du zirkuitua

OPERADOREAK ERAIKITZEA

Operadore hori zangosagarraren kanpoko aldera itsatsiko dugu. Horren inklinazioa behar bezala kalkulatuko dugu bere futzionamendua ona izan dadin.

FUNTZIONAMENDU-ZIKLOA.-

Sistema ibiliz edo korri eginez abiarazten da. Horrekin proposamenaren hasierako premisa betetzen da: higidura adieraziko zuen sistema bat asmatzea.

Zikloa honakoa dugu:

Pausua eman eta zangosagarra igotzerakoan bola desplazatu egiten da eta bola ontzi etentzailearen hondoan pausatzen da. Bola beste alderaino, kontaktu gisa jarri ditugun latorri-zatiak dauden lekuraino, iristen da. Bolak horiek ukitzen dituenean, zirkuitua itxi egiten da eta korronte elektrikoa ezartzen da. Hori dela eta bonbila/k piztu egingo dira. Horiek argi egiteari utziko diote hanka hasierako posiziora itzultzen den orduko. Emandako urratsen arabera, piztu edo itzali egingo dira.

B PROIEKTUA

IRTENBIDEAREN AURKEZPENA

Irtenbide original bat dugu, berori soinean daraman pertsona ibiltzearen edo korri egitearen ondorioz, beste eten-sistema baten bidez bonbila batzuk aktibatzen eta desaktibatzen dituena. Ikus dezakegun gisan, gauzatzeko behar diren materialak erraz eskuratzeko modukoak dira.

MUNTAIAREN FASEAK

Proiektuetako edozein gauzatzeko unitatearen planteamenduan adierazitako faseak eta helburuak hartuko dira barne.

Gure asmoa kasu honetan planteatutako lan-proposamenaren irtenbide bat grafikoki adieraztea izan da. Aurkezpen honekin unitatean zehar lan-eskema bera sistematikoki errepikatzea ekidin nahi dugu.

Operadore etentzailea eraiki ondoren, berori kiroletako zapata edo zapatiletara lotzeko sistemaren bat aurreikusi behar da. Muntaia hauen guztien ondoren ondorio batera iritsi gara: sormenari eta sor daitezkeen lan-proposamenaren planteamenduaren irtenbide berritzaileei trabarik eta mugarik ez jarri.