Metodologia aktiboa eta partehartzea bultzatuko duena, ikasleei dagokienean sustatu eta ebaluatu nahi ditugun gaitasunak agerian uzteko balioko duena, erabiliko dugu. Arreta handia eskainiko diogu egiten dutenari, hori egiteko moduari, hori egiteko antolatzeko moduari, beren artean ezartzen dituzten harremanei, irakaslearekin erlazionatzeko moduari, beren lanari dagokionean duten balorazioari eta abarri.
Unitate hau ikasleak teknologiaren arlora iristen denean dituen gaitasunak agerian uzteko test antzeko bat da. Honi esker hasierako oinarriak izango dituzte irakasleek jokabideak berriz bideratu ahal izateko eta habe solido batzuen gainean arloko prestakuntza jasoko duen gela-taldearen gaitasun-mailan oinarritutako programazio errealista baten egitura osatu ahal izateko.

Kometa bat eraikitzea jarraibide zehatz batzuei jarraituz.

Erabat gidatutako proiektua da, hasierako ebaluaziorako jarduera gisa erabil daitekeena eta garapenean zehar harrerako unean ikasleek dituzten antolamendu-sistemak behatzea ahalbidetuko duena. Halaber, agerian utziko ditu norberaren ekimena eta idatzizko aginduei jarraitzeko gaitasuna.

MATERIALAK:

- Plastikozko zabor-zaku bat (tamaina industriala).

- Egurrezko bi hagatxo, gutxienez 78 cm-ko luzerakoak eta 6-9 milimetroko diametrokoak.

- Nylonezko hari edo beste hari indartsuren baten 10 metro.

- Zinta itsasgarri zabalaren erroilu bat edo metro batzuk (enbalatzeko erabili ohi den horietakoa).

- Ontziak garbitzeko xaboiaren botila hutsa edo antzekoren bat.

- Hari mataza bat edo zehaztugabeko kantitatea, izan ere, erabili beharreko kantitatea bere hegaldian kometak izango duen altueraren araberakoa izango da (erosketa hori muntaia amaitu arte atzera daiteke).

TRESNAK:

ERAIKUNTZA-PROZESUA:

Plastikozko zakua hartu eta guraizeekin hondoa moztuko dugu. Ondoren, aldeetako bat moztuko dugu laukizuzen handi bat lortzeko. Horretatik kometaren zilueta aterako dugu. Kasu batzuetan zakuaren tamainak berak kometaren gorputzaren zilueta zuzenean bere gainean moztea ahalbidetzen du.

 

Zilueta mozteko lehenik eta behin marraztu egin behar dugunez, komenigarri da, lana egiterakoan ahalik eta garbien izateko, zilueta horren patroi bat egitea paperean eta ondoren plastikoa paperezko patroiaz baliatuz moztea.

Bigarrengo fasean egurrezko hagatxoak moztuko ditugu proiektua egiteko egoki den neurrian. Horren ondoren, hagatxoak plastikoari grapatuko dizkiogu. Hori grapagailua irekita dugula eta zuzenean grapa irteteko lekua lotu nahi ditugun hagatxoen eta plastikoaren gainean oinarrituz egingo dugu.

Oharra:

(Grapagailuarekin egindako lanak muntaiaren prozesuan lagunduko du, baina horren ordez “zelorekin” itsatsi ahal izango ditugu hagatxoak plastikora, izan ere, zeloaren gainean, luzeka, zinta itsasgarri zabal baten zerrenda bat jarriko dugu, gisa horretan oso solidoa izango den lotura lortu ahal izateko).

Hori egiteak asko errazten du zinta itsasgarri zabala hagatxoen gainean jartzeko zeregina eta ahalegin txiki baten bidez erabat fidagarria izango den plastikoaren eta hagatxoaren arteko lotura lortuko dugu.

Kometaren gorputza lortu ondoren, sokak eta adatsa prestatuko ditugu, zeregin horiek tresnak hegan egin dezan ahalbidetuko baitute. Horreterako erabiliko dugun soka edo haria oso mehea denez, hari hori kometari lotzen zaion puntua behar bezala sendotu beharko dugu. Hori, begi-bistakoa denez, haize leunenak ere plastikoa urratzea ekiditeko egingo dugu. Arazo hori konpontzeko modurik praktikoena eta merkeena ikasleei eskatu diegun plastikozko botilaren (gelaren ontziaren, ontziak garbitzeko xaboiaren, lisibaren ontziaren eta abarren) bidezkoa izango dugu. Botila horietatik bi edo hiru zentimetroko aldea izango duten laukitxoak lortuko ditugu eta horiei esker arazoak sorraraz diezazkiguketen hiru puntu kritikoak sendotu ahal izango ditugu.

Alabaina, nola egingo dugu hori? – Haria kokatzeko ainguraketa bakoitzean indartzeko laukitxo horiek jarriko ditugu, kometaren gorputzari zinta itsasgarri zabalaren bidez lotuta. Hirugarren laukitxoa kometaren beheko aldeko erdiko puntuan, adatsa finkatuko dugun lekuan, jarriko dugu. (ikus marrazkiak).

KORAPILOA EGITEKO MODUA

Botilatik moztutako plastikoak dagozkien tokietan kokatu ondoren, horietan, zuloak egitekoaren laguntzaz, jostailuaren funtzionamendu eta gobernatze ona ahalbidetuko diguten sokak finkatzeko erabiliko ditugun zuloak egingo ditugu.

Materialen artean eskatu ditugun hamar hari metroak hartu eta hiru metroko zati bat moztuko dugu. Zati horren muturretako bat azal-hegaleko zuloetako batera lotuko dugu eta beste muturra, berriz, aurkako zulora. Hiru metroko hari-zati horren erdiko puntuan bere luzerarekin hegaldiaren altuera mugatuko duen harileko edo matazako haria korapilatuko dugu.

Azkenik, gainerakoak bost eta sei metro arteko luzera (material artean eskatutako 10 metroetatik sobratutako haria erabiliko dute) izango duen eta 30 edo 35 zentimetrotik behin 8X25 cm inguruko plastikozko laukitxo bat izango duen adatsa prestatzeko erabiliko dituzte. Adatsaren dimentsioak aldatu ahal izango dira hegan egiteko ahalik eta baldintzarik onenak lortzeko. (ikus marrazkia).

Materialen artean eskatutako hamar hari metroak erabiltzeko grina hori horiekin proposatutako lana ezin hobeto egiteko aukerari zor zaio, izan ere, kometari altuera emango dion eta kometa gobernatzea ahalbidetuko duen hari mataza edozein unetan jar daiteke eta hari hori ondo egindako lanaren sari gisa beren gurasoei eska diezaieten iradoki dezakegu..